[i563]                                               DE LA VILLE DE PARIS                                                    303
"Et seront tenuz indifferemment toutes personnes, sans aulcun excepter, assister ou envoyer aud. guet; et là où il ne pourroit aller en personne, seront res­ponsables de ceulx qu'il y envoiront, lesquelz seront tenuz d'aller prandre le soir lesd, armes au logis de celluy qui aura la garde de la Dixaine, et les reporter des le landemain matin, sur peine de punition cor­porelle.
"Et sera l'assiette dud. guect faicte par le Quar­tenier, Cinquantenier ou Dixainier du quartier, pour                               .-_ prandre garde des deffaillans pour en faire le rapport des landemain par devant les Prevost des Marchans etEschevins, pour eulx veoir condemner en l'admende.
"Et pour acomoder tousjours led. guet, comme il a esté cy devant, sera entretenu l'ordonnance des lanternes et chandelles en chandelles en chacune rue, qui sera observée par lesd. Quarteniers et Dixainiers, dont sera faict taxe, ainsi qu'il a esté faict par le . passé.
k Que le mot du guet sera donné par [le] Lieutenant du Roy, ou én son absence par le Prevost des Mar­chans, tant au chevalier du guet ou ses lieutenans que aux Quarteniers, pour eslre baillé au clief de ceulx qui feront la garde.
"Lesquelz articles ont esté advisées tant pour l'o­beissance du Roy que pour la concervation de la Ville, le tout, soubz le bon plaisir de Sa Majesté, pour maintenir tousjours la Ville et ses loyaulx subjeetz en repoz et tranquililé.
"Le Roy trouve de bons et utilles advis et recordz es articles susd, concernans le guet de nuict de lad. Ville; sur lesquelz, estant arrivé à Paris, il se resoul-dra de son intention, desirant la seuretté de lad. Ville, comme d'un des plus precieulx fleurons de sa cou­ronne, et le repoz et soulagement de ses bons ct loyaulx subjeetz, habitans en icelle, et ce pendant en­tend Sad. Majesté qu'il soit commancé à suivre le contenu esd. articles pour le faict dud. guet, sur le commandement duquel il pourvoira à sad. arrivée.
"Faict au Conseil Privé du Roy tenu à Gaillon, le vin0 jour de Septembre 1563.n
Signé : CHARLES. Et au dessoubz : de L'Aubespine.
De par les Prevost des Marchans et Eschevins de la ville de Paris.
"Jehan de Beauquesne, Quartenier de lad. Ville, nous vous mandons que faciez scavoir à tous les bour­geois de vostre quartier que le Roy a ordonné le guet et sentinelles estre continué en lad. Ville, suivant les articles envoiez par Sa Majesté à messeigneurs les duc de Montpensier et prince de La Roche sur Ion, donné à Gaillon, le huictiesme de Septembre, signé de sa propre main, et au dessoubz : de l'Aubespine, dont les articles ensuivent.
Premierement : " Que pour chacune Dixaine seront prins quatre ou
six personnes, pour par ran, selon la grandeur desd. Dixaines, pour lesquelz sera tenu en reserve quatre corcelletz, deux harquebuzes et quatre hallebardes cn une maison de la Dixaine la plus notable, la­quelle sera changée de huictaine en huictaine pour la garde desd, armes.
"Et seront tenuz indifferemment toutes personnes, sans aulcun excepter, assister ou envoyer aud. guet, et là où il ne pourront aller en personne, seront responsables de ceulx qu'ilz y envoieront, lesquelz se­ront tenuz d'aller prandre le soir lesd, armes au logis de-celluy qui aura la garde de la Dixaine et les rap-